sulatin

Sabi ni bili magsulat daw ako ng istorya. Hindi kelangan may punto o may rason, basta istoryang pwede mo i-kwento sa apoy ng camping trip nyo, sa lasing na hininga ng naiidlip mong kaibigan, o kahit sa buwan na nakadungaw sa iyo at sa iyong minamahal.

Hindi ko masyadong sineryoso. Sino ba akong makata na may kuwentong ihahabilin? Tumitibok ang aking mga salita kasabay ng aking dibdib, ang mga kuwento ko ay walang halaga sa labas ng aking puso.

Pero nakakatuwa pa rin isipin, na mula sa mga simpleng salita, nakakabuo ka ng mga ginintuang nobela. Tinutukso ng mga pangarap na nakalaya ang aking mga kuwento. "Subukan natin ang mundo", bulong nila.

Tutugonan ko ang kanilang mungkahi, sa bawat pagkakataon na may taong makakarinig at may mundong makakaintindi... balang araw.

Salamat sa saya't salaysay.